Follow by Email

Friday, 9 August 2013

NOTICE BOARD..?

ஹாட்லைன்: நண்பர்களே, நான் சொல்லப் போவதைக்  கேட்டால் உங்களுக்கு ஆச்சரியமாக இருக்கலாம். நான் கூட கமெண்டுகளின்  எண்ணிக்கை அதிகரித்து Load more  சிரமம் ஏற்படுவதை என்றுமே விரும்பியதில்லை. ஆனால், அது எவ்விதமான கமெண்டுகள் மூலம் ஏற்படுகிறது என்பதில் தான் நான் வேறுபடுகிறேன் !

பொதுவாகவே டெம்ப்ளேட் கமெண்ட்கள் ; ஸ்மைலிகள் ; ROFL ; LOL போன்ற வெற்றுப் பதிவுகளை அறவே வெறுப்பவன் நான். பொதுவானதொரு வலைதளத்தில் எழுத நமக்கு விஷயம் இல்லாவிட்டால் கமெண்ட் போடாமல் சும்மா இருக்கலாம். ஆனால், இதுபோன்ற அர்த்தமற்ற பின்னூட்டங்கள்  போடுவது தேவையற்றது என்பதே என் கருத்து. அதேநேரம் ஆசிரியரின் பதிவைப் பற்றி அலசி ஆராய்ந்தப் பின்,  நம் உணர்வுகளோடு ஒட்டி உறவாடி வருகின்ற  நம் லயன் வலைதளம் தூங்கி வழியாமல் இருக்க, வாசகர்கள் தம் கற்பனாசக்தியின்  ஆக்கங்களை வரவேற்பதிலும் அவற்றை ரசிப்பதிலும் தவறொன்றுமில்லை. ஏனெனில் காமிக்ஸ் என்பதே கற்பனைகளின் எல்லையைத் தொட்டு விட துடிக்கும் ஒரு முயற்சியே தானே ?!

அதனால்,  ''Kaun  Banega காமிக்ஸ் கற்பனா சக்தி?'' போன்ற வாசகர்களுக்கான பந்தயக் களமே   நம் லயனின்  வலைதளமும் என்ற தற்கால வரைமுறை கூட சரியானதாக தோன்றலாம். அதற்காக, அர்த்தமற்ற காமிக்ஸ் சம்பந்தமில்லாத பின்னூட்டங்கள் அடுத்தவரின் ரசனைக்கு வைக்கப்படும் கண்ணிவெடி தான் என்பதில்,  பொடியன், வாசகர் வாய்ஸ், ராம்குமார் கோபாலகிருஷ்ணன், P.கார்த்திகேயன், கிருஷ்ணா வ வெ, பெரியார், மஞ்சள் சட்டை மாவீரன், ராஜா பாபு, ரமேஷ் குமார், கருமண்டபம் செந்தில்  ஆகிய வாசகர்களுடன் நானும் முழுவதுமாக உடன் படுகிறேன் !

ஷார்ட்லைன்: இந்தப்  பதிவுக்கான படம்  நம் fb காமிக்ஸ் குரூப்புக்கு சொந்தமானது.  அந்தப்  போஸ்ட்டிற்கான கமெண்ட் டிசம்பரில் சாணி, ஜனவரியில் அல்வா என்று தொடங்கும்... இதுவும் நம்மை நகைக்கச் செய்யும் நய்யாண்டித்தனமான ரசனைகள் தான். ஆனால், அது நாம் இளைப்பாறும் மரத்தின் ஆணிவேரை வெட்டி வீழ்த்துவதாக இருப்பதில் யாருக்கு என்ன லாபம் என்பதே தீவிர தமிழ் காமிக்ஸ்  வாசகர்களின், ஒரே கேள்வி ?

ஷாட்லைன்:  கனவுகள் ; கற்பனைகள் ; கருத்துகள் ; புதிய எண்ணங்களுக்கு அணை  போடக்  கூடாது. மனிதன் பறப்பதற்கு கண்ட கனவுதான் விமானமாக வடிவெடுத்தது. தொலைதூரத்தில் நடப்பதை அறியவேண்டும் என்ற எண்ணம்தான் தொலைக்காட்சியை கண்டுபிடித்தது. எனவே  வித்தியாசமாக சிந்தியுங்கள் அடுத்தவர்களை சிந்திக்க வையுங்கள் வாசகர்களே - ஹஜன் சுந்தர்
   டிசம்பரில் சாணி, ஜனவரியில் அல்வா !

1. மர மண்டை29 November 2012 11:48:00 GMT+5:30 PART:5
பொருளறிந்து விளக்கம் கூறுதல் :

இ. இந்த வலைப்பூ ஒரு notice board மட்டுமே!

இங்கே பலர் பலமுறை முன்வைக்கும் ஒரு பதிவு, இந்த வலைப்பூ ஆசிரியர் அப்டேட் செய்யவும் அடுத்து வரும் காமிக்ஸ் பற்றிய விவரம் தெரிந்துக் கொள்ளவும் உதவும் Notice Board மட்டுமே என்பது. சரி.. ஆசிரியரின் பதிவு வந்தவுடன் அன்றைய தினமே தெரிந்துக்கொண்டோம். சரி.. அதற்குப்  பின்? நம் காமிக்ஸ் அனுபவத்தை, நாஸ்டாலஜி பதிவை பகிர்ந்து கொள்ளவே என்பது. சரி.. இந்த ஒரு வருடத்தில் அனைவரும் பகிர்ந்து விட்டு, பல சாதனையாளர்கள் வெளியில் சென்று விட்டனர். சரி.. அதற்குப்  பின்? நல்ல தலைப்பு ; நல்ல கதை ; காத்துக்கொண்டிருக்கிறோம் ; என் சந்தா வந்ததா ; என் தொலைப்பேசி அழைப்புக்கு ஏன் பதிலில்லை ; S.T courier ரொம்ப மோசம் ; போரடிக்குது தயாரிக்கா விட்டாலும் பரவாயில்லை பத்து நாள் முன்பாக தர முடியுமா? என்று template comment ஒரு 50 வரும்! அது மட்டும் போதுமா நண்பர்களே, இனி அடுத்த ஞாயிறு அன்று மீண்டும் ஒரு 49 template comment போட்டு விட்டு அதற்கு அடுத்த ஞாயிறு வரை என்ன செயலாம் ?

இங்கு நாம் என்ன அரசியலா பேசுகிறோம்? இல்லை தன்னை விட அடுத்தவர் தாழ்ந்தவர், ரசனையற்றவர் என்று காலை வாருகிறோமா? ஒருவர் சிறந்தவர் என்று கூறும் போது மற்ற எவரும் தாழ்ந்து விடுவதில்லை என்பதல்லவா நாணையத்தின் மறுப்பக்கம்? நீ தாழ்ந்தவர் என்று கூறினால் மட்டுமே, யாரும் யாருக்கும் சளைத்தவரில்லை என்ற உண்மையை பதிவிடுவோம் அல்லவா ?

காமிக்ஸ் வாசகர்களாகிய எங்களுக்கு இந்த வலைப்பூ ஒரு ஆடிட்டோரியம் போன்றது ! இங்கு ஒரு புனித சாத்தானை போன்று, ஒரு ஐஓஒள ( XYZ  ) போன்ற கலையுணர்வு கொண்டவர்கள் கிரியேட்டிவாக ஏதும் செய்யும் போது நாங்கள் ரசிக்கவே செய்வோம்! ஏனெனில் இது உங்களுக்கு Notice Board எங்களுக்கு Auditorium !

காமிக்ஸ் என்ற நிழலில் இளைப்பாறும் எங்களுக்கு இது அலுவலகத்தில் உள்ள Lunch hall போன்றது. இங்கு பலர் கலகலப்பாகவும் அடுத்தவரின் மூக்கு நுனியை தொட்டு விடாமல் கலாயக்கவும் செய்தால் நாங்கள் ரசிக்கவே செய்வோம்! ஏனெனில் இது உங்களுக்கு Notice Board எங்களுக்கு சற்றே இனிமையாக இளைப்பாறும் Lunch hall போன்றது !

விலைபோகாத கத்தரிக்காயை கூறுகட்டி வைத்து விட்டு, விவரப்பட்டியலை வெளியில் தொங்கவிட  இதுவொன்றும் பாலைவனம் அல்ல! இது பலதரப்பட்ட காமிக்ஸ் ரசனைகள் தென்றலென தாலாட்டும் பூங்காவனம்! அதனால்தான் இதற்கு வலைக்காய் என்று பெயர் வைத்திடாமல் வலைப்பூ என்று வைத்துள்ளார்கள்! ஏனெனில் இப்படிப்பட்ட வலைப்பூவுக்கு வருபவர்கள் தயவுசெய்து ரசனையோடு வாருங்கள் என்று சொல்லாமல் சொல்லி பெயரிட்டுள்ளார்கள் !

எனவே, நாங்கள் அழகழகான பதிவுகளை படித்து எங்களால் முடிந்தளவு பங்கெடுத்து ஒவ்வொரு பதிவும் முன்னூறு-ஐ தாண்டப் பாடுபடுவோம்! ஏனெனில் இது உங்களுக்கு வலைக்காய்  எங்களுக்கு  வலைப்பூ !     


2.Erode VIJAY29 November 2012 20:37:00 GMT+5:30

அடுத்ததாக நண்பர் மரமண்டை அறிவிக்கவிருக்கும் விருது டைட்டில்களுக்காக, இதோ என்னால் முடிந்த உதவி :

*Top-5 நடுநிசி நாயகர்கள் (எப்போதும் நடுஇரவுக்குப் பின் பின்னூட்டமிடுபவர்கள்)

*Top-5 copy-paste நண்பர்கள் ( 15 வரிகளை copy-paste செய்துவிட்டு கடைசியாக 'உண்மைதான்!' என்று ஒற்றை வார்த்தையில் முடிப்பவர்கள்)

*Top-5 Technical error நண்பர்கள் ( 'நான் ஒருமுறை publish பட்டனை அழுத்தினால் 3 பின்னூட்டங்கள் பதிவாகிவிடுகிறதே' , '200 பின்னூட்டங்களுக்கு மேல் என் கம்யூட்டரில் எதுவும் தெரிவதில்லையே', 'friends, I dont know how to type in tamil')

*Top-5 எழுத்துப் பிழை நாயகர்கள் ( 'சமீப கலமாக நம் கமிக்ஸ் பூத்தகங்களில் நிரைய எழுத்துப் பீழைகள் இருப்பது எணக்கு வருத்தமாலிக்கிறது')

*Top-5 குழப்பவாதிகள் ( இவர்களது பின்னூட்டங்களை 3 நாள் லீவு போட்டு படித்தாலும் துளிகூடப் புரியாது)

*Top-5 guest appearance நண்பர்கள் ( 'நண்பர்களே, வேளைப்பளு காரணமாக இரண்டு வாரங்களாய் இங்கே தலைகாட்டிட முடியவில்லை')

*Top-5 பரிதாபப் பேர்வழிகள் ( சிறுவயது முதலே நிறைவேறாத ஆசைகளால் மனநலம் பாதிக்கப் பட்டு, நம்மில் ஒருவராகக் கலந்திருந்து, பொறாமை ஏற்படும்போது போலி அடையாளத்தில் ஒரே ஒரு பின்னூட்டமிட்டு ஏகக் குழப்பத்தை ஏற்படுத்திவிட்டு, மறைந்திருந்து ரசிக்கும் அப்பாவி மனநோயாளிகள்)


3.மர மண்டை30 November 2012 10:14:00 GMT+5:30

a short commercial brake !

விளம்பர இடைவேளை ! (title மொழிபெயர்ப்பு மரமண்டை)

இது ஒரு விருது வழங்கும் விழா அல்ல !
பட்டம் பதவி பாராட்டு விழா அல்ல !
இது ஒரு கருத்துத் திணிப்பு அல்ல !
கல்லெறிவதும் களங்கப்படுத்துவதும் அல்ல !
யார் மனதையும் புண்படுத்துவது அல்ல !
புனைந்தும் புரியாமலும் குழப்புவது அல்ல !
தற்பெருமையும் தற்புகழ்ச்சியும் அல்ல !
வில்லங்கம் இல்லை விவகாரம் இல்லை !
பொதுவான கருத்து அல்ல ஆனால்,
பொதுவாக யோசிக்க வேண்டிய காமிக்ஸ் பதிவு !

விரைவில் வருகிறது...

கீழ்கண்ட மூன்று சந்தர்ப்பத்தில் ஏதோ ஒரு வாய்ப்பில்...

அ.ஆசிரியர் பதிவுக்கு இரண்டாம் நாள்...
ஆ.100 அல்லது 150 கமெண்ட் கடந்தபின்...
இ.பின்னூட்டங்கள் சற்றே தொய்வை எட்டும்போது...

வாழ்ந்துப்  பாருங்கள் வாழ்க்கை ஒரு ரசனையான கரகாட்டம் !
வாசித்துப்  பாருங்கள் வசந்தம் நம்மையும் கொஞ்சம் தாலாட்டும் !

எல்லா வைரங்களும் மண்ணுக்குள் இருந்து தான் எடுக்கப்படுகின்றன !



லாஸ்ட்லைன்: சிரிக்க தெரிந்தவன் மனிதனாகிறான் ; சிந்திக்க தெரிந்தவன் தலைவனாகிறான் !

Wednesday, 7 August 2013

தவறான முன் உதாரணம்..?

ஹாட்லைன்:  ஒரு பொது தளத்தில் அபிப்ராயமாய் ஒரு விஷயத்தைப் பகிர்வதற்கும், அதனையே கருத்தாய் உரக்கச் சொல்வதற்கும் உள்ள வித்தியாசம், என்றுமே நமக்கு ஒரு கேள்விக்குறி  தான்! என்ன நண்பர்களே ஒரு கேள்விக்குறியே பதிலாக அமைவதும் ஒரு ஆச்சரியக் குறிதான் அல்லவா? நீங்கள் அழுத்தமாக ; உண்மையை அப்பட்டமாக ; வார்த்தைகளால் ஆர்ப்பாட்டமாக ; தன்  நிலையில் இறுதியானதாக   ஒரு கருத்தை எழுதிவிட்டு கடைசியில், ஒரே ஒரு கேள்விக்குறியை மட்டும் போட்டுப் பாருங்கள், அந்தக் கேள்வியே அட்டைக் கத்தியாகி விடும். அதேநேரம், அதற்கு முற்றுப்புள்ளி வைத்து விட்டால் அங்கு நாம் கலகம் செய்பவராகவும், கலவரம் ஏற்படுத்துபவராகவும் உண்டான தோற்றத்தை, விவரம் பத்தாத அப்பாவி வாசகர்களுக்கு ஏற்படுத்தி விடும். அடுத்தமுறை நீங்கள் லயனில் பதிவிடும் போது, நீங்கள் விரும்புவது முற்றுப்புள்ளியா அல்லது கேள்விக்குறியா? என்பதே, தற்போது உங்கள் முன்னால்  உள்ள மிகப் பெரிய கேள்விக்குறி :)

பொதுவாகவே, எனக்கு MGR, நம்பியார் போன்று ஊருக்கு பந்தா காட்ட நடத்தப்படும் வாள் சண்டைகள் போன்ற தர்க்கவாதங்கள்  பிடிப்பதில்லை. நமக்குத் தீர்க்கமாகத் தெரிந்தக் கருத்தை நாம் முன்வைப்பதில் தவறொன்றுமில்லை என்றே நினைக்கிறேன்.  நம் கருத்தின் வேகம் கூட கூட எதிர்க்கருத்துகளுக்கும் நாம் அவ்விதமே வாய்ப்பளிகிறோம்.  அதுவே ஆரோக்கியமான தர்க்க வாதமாக இருக்கக் கூடும். அதைவிட்டு விட்டு நானும் ரவுடி தான் என்று சிரிப்பு போலிஸ் கணக்காய் கருத்துகளையும் கமெண்டுகளையும் அடுக்கிக் கொண்டே போவதில், என்றுமே எனக்கு உடன்பாடில்லை !


ஷார்ட்லைன்: இதில் வரும் பின்னூட்டங்களை நீங்கள் ஆழ்ந்துப் படித்து பார்த்தால், நான் லயனில்  பதிவிட்டு வந்த காரணம் உங்களுக்கும் புரியும் என்றே நினைக்கிறேன். நானாக எதையும் வளவள என்று எழுதவில்லை. ஆனால், என்னை நோக்கி எறியப்பட்ட கற்களே என் படிக்கட்டுகளாக என்னை மேலேற்றியது என்றால் அது மிகையல்ல !


                   

        
1.Dr.Sundar,Salem.26 November 2012 22:13:00 GMT+5:30

டியர் மரமண்டை , வலைதள வாசகர்கள் டாப் 5 என்று வரிசைபடுத்தி ஒரு தவறான முன்னுதாரணத்தை ஏற்படுத்தி விட்டீர்களோ ? இது உங்களின் டாப் 5 ; இப்படி ஒவ்வொருவரும் வரிசைபடுதினால் தேவையில்லாத problem வராதா?, எப்படி முத்துவின் சமீப கதைகளை மட்டும் படித்துவிட்டு , முத்து டாப் 5 வரிசைபடுதினால் , சரியாக வராதோ , அதே போல் சமீப பதிவுகளை படித்துவிட்டு டாப் 5 வாசகர்கள் என்று வரிசைபடுதுவது முறையாகாது .நம் ப்ளாக் ல் உள்ள 60 க்கும் மேற்பட்ட பதிவுகளை படித்துபார்த்து விட்டு , அதற்கு பிறகும் உங்கள் முடிவில் தெளிவாக இருந்தால் , உங்களுக்கு ஒரு சபாஷ் !

பழைய பதிவுகளில் blade கார்த்திக் ன், நகைச்சுவை கலந்த ,யாரையும் புண்படுத்தாத, வரிகளை படித்து பாருங்கள் (இப்போது நகைச்சுவை சதவீதம் குறைந்து , கொஞ்சம் கிண்டலும் கேலியும் அதிகமாகிவிட்டது போல் எனக்கு தோன்றுகிறது , கார்த்திக் மீண்டும் பார்முக்கு வாங்க !,) அவரின் பழைய பதிவில் , போகிற போக்கில் விஜயன் வாரிசை மினி லயன் என்று எழுதி இருப்பார்! படித்தால் சிரிப்பை அடக்கமுடியாது !

பொடியன்னுக்கு 4 ம் இடம் கொடுத்து உள்ளீர்கள் ! என்னுடைய கணிப்பில் முதல் இடம் , ப்ளாக் ல் விசயத்தோடு எழுதும் வெகு சில ஆத்மாக்களில் அவரும் ஒருவர் . கனவுகளின் காதலனை மறந்து விட்டீர்கள் , மேலும் உங்க டாப் 5 ல் குறிப்பிட்ட சிலரை அடிக்கடி தேவை இல்லாமல் தாக்கும் , நபர்களுக்கு முக்கியத்துவம் கொடுத்து உள்ளீர்கள் , இது தேவை இல்லாமல் கசப்பை உண்டாக்கும் . இந்த விளையாட்டை யாரும் இனி தொடராமல் இருப்பதே நல்லது .டாப் 5 ல் உள்ள நண்பர்கள் மேல் எனக்கு வருத்தம் இல்லை, இனிமேலும் இது தொடரவேண்டாமே , ப்ளீஸ் ! நான் சொன்னதில் தவறுல்லதா நண்பர் சாத்தான் அவர்களே ?



2.மர மண்டை27 November 2012 10:45:00 GMT+5:30

Dr அவர்களுக்கு தங்களின் நடுநிலையான கருத்துக்கு மிகவும் நன்றி! 


எல்லோரும் எல்லா வரலாற்றுப் பதிவுகளையும் படித்து விட்டு தான் முடிவு எடுக்க வேண்டும் என்றால் ஒரு இரும்பு மனிதர் சர்தார் வல்லபாய் பட்டேலேயோ, வீர பாண்டிய கட்டபொம்மனையோ தான் தேர்ந்தெடுக்க முடியும்! ஆனால், இன்று நம்மோடு இருக்கும் நரேந்திர மோடி அல்லது Mr.விஜயகுமார் IPS -யோ பாராட்டிப் பாருங்கள், அவர்களால் இன்னும் அதிகமாக செய்ய முடியும் !

கடந்து போனதெல்லாம் சரித்திரம் ஆகி விடுகிறது ; காலம் கொண்டு போனதெல்லாம் காலனுக்கு சொந்தமாகி விடுகிறது ! இந்த தளத்தில் ஆவலோடு வருகின்ற நண்பர்கள் அனைவரும் இன்று நடக்கவிருக்கும் கார்த்திகை தீபத்தின் பக்தர்கள் போன்றவர்கள், இந்தக் கூட்டத்தில் யாராவது நடுவில் கல்லெறிந்தால், எங்கோ அல்லது யாருக்கோ கோபம் வரத்தான் செய்யும் ! சில சமயம் உரிமைகள் நீதித்துறைக்கும், சில மனித உரிமை அமைப்புகளுக்கும் உள்ளது போன்று வேறுபடுகின்றது ! எது நியாயம் என்பது பொது மக்களுக்கும் தெரிந்து தான் உள்ளது !

எது நண்பர்களே, காமிக்ஸ் வளர்ச்சி ? சந்தி விடுப்பட்டுள்ளது என்று சந்திச் சிரிக்க வைப்பதா ? அல்லது,  உடனே குணமாக்கி வீட்டிற்கு அனுப்ப வேண்டும் என்று ஓவர் டோஸ் கொடுப்பதா ? இங்கு நாம் எல்லோரும் நண்பர்களே... காமிக்ஸ் மீது தீராத ஆசையோ, வெறியோ கொண்ட வாசகர்கள். நாம் ஒன்றும் குமுதம், ஆனந்த விகடன் புத்தகத்திற்கு திரை விமர்சனம் எழுதி, 100/36, 100/39.5 என்று போடுவதற்கு படிப்பதில்ல. பிறகு ஏன் அதில் தவறு, இதில் தவறு என்று அல்லாடுகிறோம் ? தவறை சுட்டிக் காட்டுங்கள் அது குற்றமில்லை, அடுத்த இதழில் நிச்சயம் மாற்றம் இருக்கும். கடும் தண்டனைக் கொடுக்க, தவறு ஒரு கொடும் குற்றமாக கருதப்படுவதில்லை. நமக்கே இவ்வளவு அக்கறை இருக்கிறது என்றால்,  தயாரிப்பவருக்கு எவ்வளவு அக்கறை இருக்கும் என்று ஏன் யாரும் நினைப்பதில்லை? இப்படியே போனால் நீ அழிந்து விடுவாய், உன்னால் நாங்களும் அழிந்து விடுவோம் என்கின்ற ரேஞ்ச் எதுவரை பயணிக்கும் என்று தெரியவில்லை! 

சினிமா எடுப்பது எல்லோரும் பார்ப்பதற்காகவும், house full ஆக ஓடவேண்டும் என்பதற்காக தான். அதற்காக, விஜய் படத்திற்கு அஜித் ரசிகர்கள் சென்று படம் முடியும் வரை இதை அப்படி செய்திருக்கலாம், அதை இப்படி செய்திருக்கலாம் என்று யோசனை கூறிக் கொண்டிருந்தால் எப்படிப்பட்ட ஒரு சூழ்நிலை அங்கு உருவாகும்?  


3.மர மண்டை27 November 2012 11:01:00 GMT+5:30 PART .2 

பாதையில் சர்க்கரையைக் கொட்டி அதன்மேல் நடந்து சென்றால் மட்டும் மனமும், வாயும் இனித்து விடுவதில்லை ! நாலு பேருக்கு நல்லதுனா எதுவுமே தப்பில்ல, அதுவும் அந்த நாலு பேரு அநியாயமாக பாதிக்கப்பட்டிருந்தா, நேர்மையான வழிமுறை எதுவுமே தவறான முன்னுதாரணமாக அமையாது. நடுநிலை என்பது உண்மையை பயமின்றி வெளிச்சம் போட்டுக் கட்டுவதே அன்றி இதுவும் சரி, அதுவும் சரி என்பதல்ல ! இது ஆடுகளம், எப்படி வேண்டுமானாலும் அடித்து ஆடுங்கள்... no rules and regulations. ஆனால், யாராவது pitch-யை சேதப்படுத்தினால் என் போன்ற பார்வையாளருக்கு கூட அது தவறான ஆட்டமாகத் தான் தெரியும்.

எல்லா விடியலும் இரவுக்கு பின்தான் !     


4.மர மண்டை27 November 2012 15:14:00 GMT+5:30

மாயாவி: லேட்டா வந்தாலும் லேட்டஸ்டா தான் வந்திருக்கிங்க. இதில் எனக்கு ஒரு விஷயம் புரியவே இல்லை. இது ஆசிரியர் அறிவித்த Top 5 அல்ல, அவரின் தேர்வும் அல்ல. இது ஒரு சுவாரசியத்திற்காகவும், வித்தியாசமான ரசனைக்காகவும், இடையே என் கருத்தை பதியவும் எழுதப்பட்டுள்ளது. உங்கள் தகுதி எனக்குத் தெரிந்த உண்மை. நண்பர்களின் தகுதியை சொல்ல, எங்கே சென்று வாக்கெடுப்பு நடத்த வேண்டும் என்று எனக்குத் தெரியவில்லை. அதேபோல் அந்தப் பதிவை சீரியஸாக படிக்கும் மற்றைய நண்பர்கள் இங்கே ''என் மனதிற்கு இனிய நண்பர்கள் ஐவரும், அன்னாரின் அழகிய செயல்பாடுகளும்'' என்று எழுதினால், என்னைப் போன்ற புதியவர்கள் தெரிந்து கொள்ள வசதியாக இருக்கும். மேலும் பின்னூட்டங்கள் அதிகமாகி பொழுதும் சுவாரசிமாக கழியும் !

புனித சாத்தான் அவர்கள் 13.11.12 தேதியிட்ட பதிவில், என்னை மனித வெடிகுண்டாக,  மற்றைய 9 மனித வெடிகுண்டோடு தீபாவளிக்கு அனுப்புவதாக கூறினார... அதற்கு நீங்களும் நானும் சண்டைக்கா சென்றோம்? நான் ஒரு தீவிரவாதி அல்ல என்று எத்தனை பேர் அவரிடம் வாதம் புரிந்தோம் அல்லது என்னையும் ஏன் மனித வெடிகுண்டு லிஸ்டில் சேர்க்கவில்லை என்று யாராவது வருத்தப்பட்டார்களா? அதைப் பார்த்து சிலராவது கைகொட்டிச் சிரித்து இருப்பார்கள் அல்லவா? joke is a joke அவ்வளவுதான்! அதைபோல் இங்கேயும் வாழ்த்தி விட்டு போகலாமே !?

சிரிப்பு தான் இன்றைய பஞ்சம் ! பிறக்கும் போது எதை கொண்டு வந்தோம் அதை இழப்பதற்கு ?!      


5.மர மண்டை27 November 2012 17:25:00 GMT+5:30

நண்பர்களே,  இது என்ன பித்தலாட்டமாக இருக்கிறது :( இப்படியும் இந்த வலைதளத்தில் ஆள்மாறாட்டம் செய்கிறார்களே :( இதற்கு விஷயம் தெரிந்தவர்கள் யாராவது ஒரு வழி சொல்லுங்களேன் ! மிக அவசரம் இல்லை என்றால் என் பெயரில் இந்த தளத்தை அசிங்கப்படுத்தி விடுவார்கள் :(

இப்படிக்கு
மர மண்டை -ஒரிஜினல்   


6.மர மண்டை27 November 2012 17:45:00 GMT+5:30

ஆசிரியர் விஜயன்: //ஐந்து அமைச்சர்களுக்குமான துறைகள்://

இந்தத் தலைப்பை தாங்கி வந்துள்ள பின்னூட்டத்தை, தயவுசெய்து டெலிட் செய்துவிடவும். கள்ளநோட்டு போன்று அடுத்தவரின் பெயரில் வந்து களங்கம் ஏற்படுத்தும் இவர்களா காமிக்ஸ் வாசகர்கள்:( நிச்சயம் ஏதோ வழிபோக்கராகவோ அல்லது இதுவரை தன் உண்மையான முகத்தை மறைத்துக் கொண்டு இங்கே வலம் வந்தவராகவோ தான் இருப்பார். நான் ஏதாவது வித்தியாசமான எங்கும் கிடைக்காத profile உடன் மீண்டும் வருகிறேன்:(

இவண்;
மர மண்டை-ஒரிஜினல்   


7.மர மண்டை27 November 2012 20:17:00 GMT+5:30

Duplicate மர மண்டை: இது போன்று அடுத்தவரின் எழுத்து நடையை காப்பி அடித்து அவரை போலவே எழுத ஒரு சிலரால் மட்டுமே முடியும். எனக்கு நீங்கள் யாராக இருக்க கூடும் என்று இப்பொழுது புரிகிறது. ஆனால், உங்கள் எழுத்துத் திறமையை, கற்பனை வளத்தை இப்படி வீணாக்க எப்படி மனம் வருகிறது என்று தெரியவில்லை. எழுதும் இடத்தைப் பொறுத்தே நம் எழுத்துகள் வலிமை பெறுகின்றன. என்ன எழுதினோம் என்பதைப் பொறுத்தே நாம் பெருமை அடைகிறோம். எழுத்தில் வளமையையும், கற்பனை திறனும், புத்தி சாதுர்யத்தையும் கடவுளிடம் கைவரப்பெற்ற தாங்கள் இப்படி வீணே அசிங்கப்படலமா ?

வினை விதைத்தவன் வினை அறுப்பான்! எது நடந்ததோ அது நன்றாகவே நடந்தது! எது நடக்க வேண்டுமோ அதுவும் நன்றாகவே நடக்கும்! வாழ்த்துகள் நண்பரே !

லாஸ்ட்லைன்: அவனின்றி ஓர் அணுவும் அசைவதில்லை. அந்த இறைவனின்றி  எவரும் இப்பூவுலகில் உயர்ந்து நிற்பதில்லை ! 

Monday, 5 August 2013

யாரந்த வெற்றியாளர்கள் ?

ஹாட்லைன்:   நண்பர்களே, இந்தப்  பதிவுகளுக்கு முன்னோடியாக இருந்தது என் முந்தையப்  பதிவுகளான முத்து Top 5  வகையறாக்கள் தான். முத்து டாப் 5 கதைகள் ; நாயகர்கள் ; தலைப்புக்கள் ; அட்டைப்படங்கள் என்று    எழுதி முடித்தப் பின் எனக்கு, டாப் 5  மேனியா வந்து விட்டது என்றே நினைக்கிறேன் :) இல்லையென்றால்  இதுபோன்ற ஒரு சிந்தனை அன்று எனக்குத் தோன்றியிருக்குமா என்பதே சந்தேகம் தான் !

'மாற்றம் மாத்திரமே மாறாததே' - ஆசிரியரின்  பதிவில் பதிவிட்டிருந்த வாசகர்களில் இருந்தே முதல் ஐந்துப்  போட்டியாளர்களை தேர்ந்தெடுத்தேன். வேண்டுமானால் நீங்கள் மீண்டும் அந்தப் பதிவுகளில் உள்ள கமெண்டுகளைப்  படித்து விட்டு இதை உறுதி செய்துக் கொள்ளலாம்.  அந்த வாரத்தில் நான் மேலோட்டமாக படித்திருந்த வாசகர்களின் நாஸ்டாலஜியா பதிவுகளிலிருந்து, மீரான் மற்றும் பொடியனை தேர்வு  செய்தேன் !

ஆனால் இந்தப்  பதிவுகளை கண்ட அனைவரும், நான் என்னவோ நீண்டநாள் வாசகன் போலவும், தொடர்ந்து பதிவிட்டு வருபவன் என்பதாலேயே போலி idயில் வந்து கலகம் செய்வதாகவும், கலவரமே செய்து விட்டனர். நான் ஒன்று கேட்கிறேன்  நண்பர்களே, ஏன் உங்களால் என் எழுத்து நடையை வைத்து, நான் புதியவன் என்று  அடையாளம் காண முடியவில்லை? நீங்கள் என்ன அவ்வளவு அப்பாவியா வாசகர்களே ?!

ஷார்ட்லைன்: ஹ்ம்ம்.. என்ன எழுதுவது? எப்படியோ ஆரம்பித்தது எப்படி எப்படியோ போய் முடிந்து விட்டது! இனி அடுத்தப்  பதிவுகள், வேறு பாதையில் அதாவது நேஷனல் ஹைவேஸில் பயணித்து அதி வேகமெடுக்கும் !

ஷாட்லைன்:  ஒரு பானைச்  சோற்றுக்கு ஒரு சோறு பதம் !


1.மர மண்டை25 November 2012 11:40:00 GMT+5:30

1.Erode VIJAY : முதலாம் இடம் !


புதியவரா இல்லை பதிவரா ; சிறியவரா அல்லது பெரியவரா ; நல்லவரா கெட்டவரா ; சூதுவாது தெரியாதவரா அல்லது வில்லங்கம் பிடித்தவரா ; படித்தவரா இல்லை பட்டிக்காடா ; தன்மையானவரா வன்மையானவரா ; பரந்த மனப்பான்மை கொண்டவரா அல்லது குறுக்கு புத்தியா என்றெல்லாம் பார்க்காமல் எழுத்தை மட்டுமே பார்த்து அடுத்தவரை பாராட்டும் குணமே இவரை முன்மொழிந்தது ! கலக்கலாகவும் ; கலகலப்பாகவும் ; கலாய்க்கும் இவரின் இன்னொரு குணம் இவரை வழிமொழிந்தது ! ஒரு சிறந்த வாசகனாக, தீராத காமிக்ஸ் காதலனாக ஒவ்வொரு பதிவும் முன்னூறு பின்னூட்டத்தை தாண்ட பாடுபடும் அந்தக்  குணம் இவருக்கு இந்தச்  சிம்மாசனத்தை கொண்டு வந்து வைத்து விட்டது ! இதில் நான் எவருடைய சிபாரிசை ஏற்க முடியும் சொல்லுங்கள் ?
me the First !


2.மர மண்டை25 November 2012 12:15:00 GMT+5:30 

2.லூசு-father of லூசு பையன் : இரண்டாம் இடம் !



என்ன சொல்வது எப்படிச்  சொல்வது என்று தெரியாமல் தடுமாறுகிறேன்! மற்றவர்களை புரட்டிப் போட்டு தடுமாற வைக்கும் அந்த ஒரு தகுதியே இவரின் வெற்றி வாய்ப்பைக் கூட்டியிருக்குமோ என்ற சந்தேகம் உங்களைப்போலவே எனக்கும் கடைசி நேரத்தில் எழுந்தது. இவர் தனி மனுஷன் சார்! ஆனாலும் வீரமும், அநீதியை பார்த்து கொதித்து எழும் போராட்டக்குணமும் கொண்டு கடைசி வரை மாறாமல் போட்டியிட்டு இரண்டாம் இடத்தை தக்க வைத்துக் கொண்டுள்ளார். இவரின் போர்க்குணமும் ; தடம் மாறாத நாணயமும் ; இந்த வலைத்தளத்தின் மேன்மைக்கான நன்மையை கருதி பதிவில் காட்டும் தன்மையும் ; தான் ஒரு சிறந்த காமிக்ஸ் ரசிகன் என்பதில் கொண்ட பெருமையும் இவரை இன்று இங்கு உயர்ந்த இடத்தில் உட்கார வைத்து விட்டது! வாழ்த்துகள் நண்பரே!

உயர்ந்த இடத்தில் இருப்பவரை நோக்கி எறியப்படும் கற்கள் வலுவிழந்தப்பின் எறிந்த இடத்தை நோக்கியே விசையோடு குறிவைக்கும் என்பது யாருக்குத்தான் தெரியாது? இதில் இடைப்பட்ட காலம் தான் நம்மை சங்கடப்படுத்தும் பெரிய இடைவெளியாக ; ஆனால் அந்த இக்கட்டும் நம்மில் பலரை மாற்றிவிடும் போராளியாக..! நெற்றிக்கண் திறப்பினும் குற்றம் குற்றமே !
Born to Fight !


3.மர மண்டை25 November 2012 12:56:00 GMT+5:30

3.கோயம்பத்தூரிலிருந்து ஸ்டீல் க்ளா : மூன்றாம் இடம் 



நான் முன்பே வாழ்த்துரையில் கூறிய முன்னுரையில் உள்ள ஆச்சர்யம், திரும்பவும் இங்கே எல்லோருக்கும் தலைக்காட்டும்! தவறு நடந்து விட்டது என்று வாதம் செய்பவர்கள் எங்கே, எனக்கு விளக்கம் கூறி தொடர்ந்து நான்கு அல்லது பதினொன்று பின்னூட்டம் இட்டு எல்லோரையும் படிக்க வைத்து பாருங்கள்? படிப்பதை விட எழுதுவது ரொம்ப கஷ்டம் சார்!  விஷயமே இல்லாமல் எழுதவும் முடியாது ; ரசனையே இல்லாமல் யோசிக்கவும் முடியாது என்று பெரியவர்கள் எழுதிவிட்டு போயுள்ளது எத்தனை பேருக்கு இங்கு தெரியும் சொல்லுங்கள்? இதில் என்ன விசேஷம் என்றால் எனக்கே முதல் வரி எழுதிய பின்புதான் அடுத்த வரியாக சட்டென்று தோன்றியது! தன் ரசனையை வெளிக்காட்டும் ஆர்வத்திலும் ; தன் ரசனையின்பால் கொண்ட பெருமிதமும் ; சாதுவாக தட்டிக்கேட்பதில் உள்ள வீரமும் இவரை மூன்றாம் இடத்திற்கு அமர்த்தி அழகு பார்த்துக் கொண்டிருக்கிறது! இதில் மற்றவர் யோசித்து எழுதி பதிவிட்டு, மீண்டும் நன்றாக வளப்படுத்தி பதிவிட என்ன இருக்கிறது? என்று நானும் உங்களைப்  போலவே தலையை பிய்த்துக் கொள்கிறேன் நண்பர்களே! அப்பப்பா... சற்று பெரிய பதிவு கொஞ்சம் சுற்றி வளைத்தது போலவும் ஆகிவிட்டது... அடுத்தப் பதிவில் மாற்றிக் கொள்கிறேன் நண்பர்களே:D கடமையை செய் பலனை எதிர்பார்க்காதே..! பலன் தானாக நீ தூங்கும் போது கூட உன் வாசல் கதவை தட்டும் !
தட்டுங்கள் திறக்கப்படும் கேளுங்கள் கொடுக்கப்படும் ! 


4.மர மண்டை25 November 2012 13:21:00 GMT+5:30 

4.meeraan and podiyan : நான்காம் இடம் :




இந்த நண்பர்கள் இருவருமே ஒரே தகுதியின் அடிப்படையிலேயே தேர்ந்தெடுக்கப்பட்டுள்ளனர்.. தீராத காமிக்ஸ் காதல் !  இது ஒரு படத்தின் தலைப்பு போல் இருந்தாலும் இவர்கள் காமிக்ஸ் காவியத்தில் சேர்க்கப்படக்கூடிய கதாநாயகர்கள்! காமிக்ஸ் போராட்டத்தில் முன்னவர் தீவிரவாதியாகவும் பின்னவர் மிதவாதியாகவும் தமிழகத்திலும் இலங்கையிலும் வலம் வருகின்றனர். வழி எதுவென்பது முக்கியமல்ல, சுதந்திர வேட்கை தான் முதல் அவசியம்! அது இரண்டு பேருக்குமே அடுத்தவருக்கு தாக்கம் ஏற்படுத்தும் அளவுக்கு அதிகமாகவே உள்ளது. நேரம் இருந்தால் மீரானின் 21.5.12 தேதியிட்ட பதிவை படித்துப் பாருங்கள் நண்பர்களே, கண்களின் கண்ணீர் காணாமல் போய்விடும் ! நாலு பேருக்கு நல்லதுனா எல்லா காமிக்ஸும் படிக்கலாம் தப்பில்ல..!
You the best meeraan !


5.மர மண்டை25 November 2012 13:51:00 GMT+5:30 

5.ஹஜன் சுந்தர் and புத்தக பிரியன் : ஐந்தாம் இடம் 






ஐந்தாவது இடத்தை சரிசமமாக பகிர்ந்து கொண்ட இவர்கள் வெற்றி விழா கொண்டாட்டத்திற்கு கூட வரவில்லை என்பதை என்னவென்று சொல்வது? ஆனால் ஒன்று நண்பர்களே நீங்கள் எல்லோரும் போய்விட்டாலும் நான் மட்டும் தன்னந்தனியனாக அமர்ந்திருந்து நிச்சயம் அவர்களை கௌரவித்தப்பிறகே வீடு திரும்புவேன் என்பதை இங்கே உறுதியிட்டு கூறுகிறேன்! இவர்கள் இருவரும் நம் பல்கலைகழகத்தின் தூண் போன்றவர்கள்! வீரம் செறிந்த போர் வாள்கள்! ஆனால் தற்போது கமாண்டோ பயிற்சியில் இருக்கிறார்கள்! எதிர் காலத்தில் Black cats அதாவது தமிழில் கருப்பு பூனை படை (இப்பவெல்லாம் தமிழில் மொழிபெயர்ப்பு செய்யவே பயமாக இருக்கிறது) என்ற உயர்ந்த பாதுகாப்பு படையின் தலைவர்களாக அலங்கரிக்கக்  கூடியவர்கள் ! 

இப்படை தோற்கின் எப்படை வெல்லும் !


6.மர மண்டை25 November 2012 14:04:00 GMT+5:30

நன்றியுரை:

இதுவரை இந்தத்  தளத்தை பொறுமையாக படித்த, இனி படிக்க போகும் வாசக நண்பர்கள் அனைவருக்கும், ஒரு தலைவனின் தலைமை பண்பை இங்கு செயலில் காட்டிய புனித சாத்தான் என்ற சோமசுந்தரம் அவர்களுக்கும், எல்லாவற்றிற்கும் மேலாக இந்த வலைதளத்தில் பதிவிட எனக்கு மானசீக அனுமதி அளித்த ஆசிரியர் விஜயன் அவர்களுக்கும், இப்படி ஒரு மேடை அமைய முகம் தெரியாமல் பின்னணியில் உழைக்கும் ஆசிரியர் அவர்களின் டீமிற்கும், எல்லாம் வல்ல இறைவனுக்கும் என் மனமார்ந்த நன்றியை தெரிவித்து கொள்கிறேன் !

சொல்லாத காதல் ஜெயிப்பதில்லை !
   

லாஸ்ட்லைன்: புகழ், பணம், பதவி, பட்டம் நம்மைத் தேடி வரவேண்டும், நாம் தேடி செல்லக் கூடாது. அதற்கு பிறரை சிபாரிசு செய்வதும் தவறு. ஒரு சாதாரண செயலை சீரியஸ் ஆக எடுத்து கொள்வதில் தான் பிரச்சனைகள் - ஹஜன் சுந்தர்

Thursday, 1 August 2013

வலைதளத்தில் ஒரு பாராட்டுவிழா !

ஹாட்லைன்: பொதுவாகவே  டெம்ப்ளேட் கமெண்டுகள் போடுவது என்றால் எனக்குப்  பிடிப்பதில்லை. அது எப்படி இருக்கிறது என்றால், ஒரு முதன்மை பேச்சாளரின் கூட்டத்தில் அவர் பேசி முடித்தவுடன் கூட்டமாக கைத்தட்டுவது போன்றதாகும். அந்த கைதட்டலில் அவர் அகமகிழ்ந்து தான் பேசியதே சிறந்தது என்றோ ; இதுபோலவே மீண்டும் ஒருமுறை நிகழவேண்டும் என்றோ எதிர்பார்க்க ஆரம்பித்து விடுகிறார் !

ஆனால் அதுவே ஒரு கலந்துரையாடலாக இருக்கும் போது, இவர் பேசியதில் இந்தக் கருத்துகள் உயர்ந்ததென மேற்கோள் காட்டலாம் ; இதில் எனக்கு உடன்பாடில்லை என்று இடித்துரைக்கலாம் ; இது இப்படி இருந்தால் சிறப்பாக இருக்கும் என்று எடுத்துக் காட்டலாம் ; இவைகளையும் உரையில் சேர்த்துக் கொண்டால் நீங்கள் மற்றவர்களுக்கு வழிக்காட்டியாக திகழ்வீர்கள் என்று ஊருக்கு வெளிச்சம் போட்டு காட்டலாம் - அதுபோன்ற ஒன்றை தான் நான் லயன் ப்ளாகில் முதன் முறையாக,  'அடாது இருட்டடித்தாலும்.. விடாது பதிவோம்' பதிவில் முயற்சி செய்தேன் !

ஷார்ட்லைன்: ஆனால் உடனே சிலர், வாசகர்களை இரு குரூப்பாக   பிரிக்க நினைக்கிறார் என்று கூக்குரலிட ஆரம்பித்து விட்டார்கள். லயனில் தொடர்ந்து கமெண்ட் போடுவது தோராயமாக ஒரு முப்பது வாசகர்கள் என்று வைத்துக் கொண்டாலும் அதில் ஒரு பத்து பேரை தனியாகப்  பிரித்து நான்  என்ன நாட்டின் தலைமை பொறுப்பையா பிடித்துவிட முடியும்? அல்லது விஜயகுமார், சின்னகவுண்டர், சரத்குமார் வரிசையில் வேஷ்டி கட்டி, துண்டு போட்டு, நாட்டாமையாகவா கோலோச்ச முடியும் ?

இதில் வேறு சிலரின்,  யாரும் யாருக்கும் சளைத்தவர்களில்லை என்ற சவால் வேறு ! ஒரு மிகச் சாதரணமான நிகழ்வையே இவர்களால் ஜீரணிக்க முடியவில்லையே.. இவர்களால் எப்படி தத்தம் வாழ்க்கையில் எதிர்படும் இடர்பாடுகளை களைந்து எதிர்நீச்சல் போடமுடியும் என்ற வியப்பே அன்றைய நாளின் இறுதியில்  எனக்கு மனமெங்கும் நிறைந்தது !

ஷாட்லைன்: லயனின் சீனியர் வாசகர் என்ற ஸ்தானத்தில் இருந்த புனிதசாத்தான் அன்று, தொடர்ந்து  என் பதிவுகளுக்கு தோள் கொடுத்து நின்றது எனக்கு அவரின் மேல்  ஒரு மரியாதையை ஏற்படுத்தி தந்தது. அதன் பிறகு நமக்கேன் இந்த தேவையில்லாத வம்பு என்று ஒரேடியாக ஒதுங்கி விட்டது தனிக்கதை !

அன்றைய நாளின் மத்தியில் என்னை கேவலப்படுத்தி  போலி மரமண்டை மிகவும் கீழ்த்தரமான ஒரு பதிவை பதிவிட்டார். லயன் வலையுலக வரலாற்றில் இதுபோன்று என்றுமே நடக்காத விஷயமாக, அன்று போலி மரமண்டை ID உருவானது கண்டு, யார் யார் என்ன உணர்வுகளைக் கொண்டிருந்தார்களோ தெரியவில்லை.. ஆனால் உடனடியாக  யாரும்  அதற்கு எதிர்ப்போ கண்டனமோ தெரிவிக்கவில்லை. ஏனெனில் அவரவருக்கு அவர்களின் நற்பெயரின் மீது அளவில்லாத அக்கறை என்பதே நடைமுறை உண்மை :(





1.மர மண்டை25 November 2012 10:08:00 GMT+5:30 

வலைதளத்தில் ஒரு பாராட்டு விழா !

இன்று நடக்கவிருக்கும் இந்த மிகப்பெரிய பாராட்டு விழாவிற்கு வருகை தந்திருக்கும் வாசக நண்பர்களை வருக.. வருக.. என இருகரம் கூப்பி வரவேற்று முதற்கண் என் நன்றியை தெரிவித்து கொள்கிறேன் ! இது ஒரு வலைதள வாசகர்களுக்கான பந்தயக்களம். முதல் ஐந்து  இடத்திற்கான வெற்றியாளர்கள் ஏற்கனவே தேர்ந்தெடுக்கப்பட்டு இன்று முறைபடி அறிவிக்கப்படவிருக்கிறார்கள் ! அதே சமயம் அவர்களின் தேர்வுக்கான தகுதியையும் வலையுலகத்துக்கு தெரிவித்து பாராட்டு விழாவும் நடைப்பெற உள்ளதால் தயவுசெய்து யாரும் கலைந்துச்  செல்லவோ அல்லது கல்லெடுத்து எறியவோ வேண்டாம் என்று பயத்துடன் கேட்டுக்கொள்கிறேன் ! கண்டிப்பாக 5 வெற்றியாளர்களை மட்டுமே தேர்ந்தெடுக்க வேண்டும் என்று தேர்வாணையம் கூறிவிட்டபடியால் என்னால் முதல்  ஐந்து போட்டியாளர்களை மட்டுமே தேர்ந்தெடுக்க முடிந்தது ! எனவே மற்றைய வாசக அன்பர்கள் என் மீது கோபமோ,  மனவருத்தமோ கொள்ள வேண்டாம் என்று மிக தாழ்மையுடன் கேட்டுக்கொள்கிறேன் ! அதையும் மீறி என்னை திட்டத்  தோன்றினால் ஒரு நிமிடம் இந்த அப்பாவியை நினைத்துப் பாருங்கள் ; முதல் ஐந்து இடத்தில் கடைசி இடத்தைக் கூட என்னால் பிடிக்க முடியவில்லை ; நானும் மனிதன் தானே ; எனக்கும் ஆசா பாசமும், கோப தாபமும் இருக்கத்தானே செய்யும்? நான் போய் யாரிடம் சண்டைப்போட முடியும் அல்லது கோபத்தைக்  காட்ட முடியும் நீங்களே சொல்லுங்கள் ? ஆனால் ஒன்று மட்டும் நிச்சயம் மீண்டும் சரித்திரம் திரும்பும்.. அப்பொழுது நாமும் ஜெய்ப்போம் என்ற சிந்தனையைத்  தவிர என்ன சொல்ல?

Contd.part : 2 வெற்றியாளர்கள் !


2.மர மண்டை25 November 2012 11:15:00 GMT+5:30 

TOP 5 வலைதள வாசகர்கள் :

1.முதல் இடத்திற்கு எப்பொழுதும் சந்தேகம் இருப்பதே இல்லை ! எளிதாக தேர்ந்தெடுத்து விடலாம் ! காலம் காலமாக கடைப்பிடிக்கப்பட்டு வரும் அந்தக் கோட்பாட்டின்படி நமக்கும் தேர்வு எளிதாக அமைந்து விட்டது ! சிறிதும் சிரமம் வைக்காமல் முதலிடத்தை இவர் பிடித்துள்ளார் !
Short and sweet !

2.அடுத்து இரண்டாம் இடம் ! ஒரு மாபெரும் போராளி என்ற தனித்தன்மையால் இவரும் எளிதாக வெற்றிப்  பெற்று விட்டார் ! எல்லோரும் நினைக்கலாம் இதில் என்ன வீரம் என்று ? ஆனால் களத்தில் நின்று சிக்ஸர் அடிப்பவருக்குத் தான் தெரியும் எதிராளி எவ்வளவு வலிமையாக பந்து வீசினான் என்று !
You will know what is fight when you fight with someone !

3.அடுத்து காலம் காலமாக நாம் பின்பற்றி வரும் வழிமுறையின்படி இரண்டுக்கு பின் மூன்று ! இந்தத்தேர்வு பலருக்கு பல சிந்தனையை தூண்டக்கூடியதாக இருக்கும். என்னடா இந்த மரமண்டை தவறு செய்து விட்டதா என்ற சந்தேகம் வரக்கூடும். ஆனால் பல சமயம் வெற்றியாளர்கள் வெளியுலகத்திற்கு தெரிவதே இல்லை. சீனாவைப் போன்று நாம் தான் அவருக்கு வாய்ப்பு கொடுத்து வெற்றியாளராக்கி வலைதளத்தை வளம் வரச் செய்யவேண்டும்!
Marathon is not a 100 metre Race !

4.வழுமையாய் நான்காம் இடம் ! ஆனால் வழக்கத்திற்கு மாறாக இருவர் பகிர்ந்து கொள்கின்றனர் ! இவர்கள் இருவருமே காமிக்ஸ் மீது தீராத காதல் கொண்டவர்கள். இதில் முதலாமவர் தன்னுடைய ஒரே ஒரு நாஸ்டாலஜி பதிவின் தகுதியை அடிப்படையாகக் கொண்டு வெற்றிப் பெற்றுள்ளார் என்றால் நம்பமுடிகிறதா? ஆனால் அவர் வெற்றி அடைந்து விட்டதால் நீங்கள் நம்பித்தான் ஆக வேண்டும் !
Winners are finalized !

5.இறுதியாக ஐந்தாம் இடம் ! இதிலும் இருவர் வெற்றிக்  கோப்பையை பகிர்ந்து கொள்கின்றனர். இவர்களும் சாதனையாளர்களே.. ஆனால் சொந்த வேலை காரணமாகவோ அல்லது பெருந்தன்மை காரணமாகவோ பல போட்டிகளில் கலந்து கொள்ளாமல் வெற்றி வாய்ப்பை இழந்துள்ளனர். அதனால் மட்டும் என்னை ஏமாற்ற முடியாது அல்லவா ? இவர்களுக்குள்ள தனித்திறமையின் அடிப்படையில் இவர்கள் இருவரும் சரிசமமாக வெற்றியை பகிர்ந்து கொண்டுள்ளனர்.
A photo finish !

வெற்றி பெற்ற அனைவருக்கும் என் மனமார்ந்த வாழ்த்துகளையும், வாழ்த்த வந்திருக்கும் அனைவருக்கும் என் நன்றியை தெரிவித்து கொள்கிறேன் ! 

Contd.part : சாதனையாளர்களும் அவர்களின் சரித்திரமும்  !



லாஸ்ட்லைன்: தான் என்ற எண்ணம், தன்னைச்  சுற்றியுள்ள அனைவரையுமே நோகடித்து  நொந்துப்  போகச் செய்கிறது !